Ana səhifə

“İnfarkt və xərçəngin qarşısını alan möcüzə dərman” elan edildi

    Tarix: 28-08-2017 18:45   
 “İnfarkt və xərçəngin qarşısını alan möcüzə dərman” elan edildi
“Möcüzə dərman” çox bahadır

“The Telegraph” yazır ki, minlərlə infarktın və xərşəng ölümlərinin qarşısını alacaq möcüzə preparat növünün hazırlandığı elan edilib.

Yeni dərmanlar infarktların qarşısını 25 faiz, xərçəng şişlərinin qarşısını isə yarıbayarı ala bilir. Bu preparatlar həm də podaqra və artritlərin qarşısına ala bilir.


Məqalədə deyilir ki, milyonlara insana ürək qüsurları riskinin qarşısının alınması üçün statinlər verilir, halbuki infarkt keçirənlərin yarısında yüksək xolesterol qeydə alınmır.

Alimlər aşkar ediblər ki, orqanizmin iltihabdan qorunması xərçəng xəstəlikləri də daxil bir sıra fəsadların qarşısını ala bilər.

“Canakinumab” (oxunuşu: kanakinumab) adlı preparat təkrar infarktların qarşısını 25 faiz alır, halbuki statinlər üçün bu rəqəm 15 faizdir.

Müalicə zamanı bu preparat üç ayda bir dəfə iynə ilə vurulur.

Preparatın xərçəng xəstəliklərinin qarşını alması mexanizminin bundan sonra da öyrənilməsi qərara alınıb.

Öz kəşfini Barselonada keçirilən konfransda təqdim edən Harvard professoru Paul Ridker deyib ki, bu preparatlar ürək xəsrtəliklərinə qarşı üçüncü cəbhənin açılması deməkdir. Alim pəhriz saxlanmasını və siqaretin tərgidilməsini birinci cəbhə, xolesterola səbəb olan lipidlərin azaldılmasına kömək edən statinlərin kəşfini isə ikinci cəbhə hesab edir.

Dərmanın sınaqdan çıxarılması üçün iltihanbın qarşısını alan canakinumab preparatını 10 min infarkt keçirmiş könüllüyə veriblər.

Bu zaman nəzərə alınmışdı ki, statin qəbul edən pasientlərdə beş ilin içərisində növbəti infarkt baş verə bilər.

Dörd illik araşdırma zamanı aşkar edilib ki, yeni dərman ürək infarktının qarşısını 24 faiz, anginanın qarşısını isə 17 faiz alır. Preparatın xərçəng ölümlərini 51 faiz azaltdığı məlum olub.

İltihab normal halda orqanimzin infeksiya və zədələrə reaksiyasıdır. Lakin iltihab həm də infarkt və insultun baş verməsində böyük rol oynayır.

Expertlər deyirlər ki, yüksək səviyyədə iltihab yaşlanma, xərçəng, revmatoid artrit, osteoartroz və podaqra ilə əlaqələndirilir. Sözü gedən dərmandan bütün bu deyilən proseslərin ləngidilməsində də istifadə oluna bilər.

Yeni müalicə növü interleykin 1 deyilən immun sisteminin qismən bloklanması üsulu ilə aparılır. Belə müalicə bir xəstəyə bir ildə 50 min dollara başa gəlir. Müqayisə üçün statinlərlə (aspirinlə) müalicənin qiyməti ilə 30 dollar təşkil edir.

Lakin ekspertlər ümid edirlər ki, müalicənin daha geniş miqyas alması onun qiymətini endirə bilər. Üstəlik əvəzində bu müalicə milyonlarla dollar dəyərində şuntlama və başqa ağır cərrahiyyələrə ehtiyac qoymayacaq.

Ən çox oxunanlar

Reklam
azza

Xəbər lenti
Sayğac
Baş Redaktor: Azər Talıbov      
Bizimlə Əlaqə : Tel - (050) 378 66 61       E-mail : [email protected]
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net