Ana səhifə

Bakıdan Suriyaya gedən ana və 2 azyaşlı uşağı öldürüldü

    Tarix: 24-01-2017 21:04   
 Bakıdan Suriyaya gedən ana və 2 azyaşlı uşağı öldürüldü
Bir il əvvəl həyat yoldaşı ilə birlikdə Suriyaya gedən azərbaycanlı qadın öldrülüb. Hadisənin ən dəhşətli tərəfi isə azərbaycanlı qadının yanında olan 2 azyaşlı övladının da faciəli şəkildə dünyasını dəyişməsidir.

Musavat.com-un əldə etdiyi məlumata görə ana və övladları Suriyanın döyüşlər gedən bölgələrindən birində faciəli şəkildə ölüblər. Onların ölümünə səbəb isə ailənin yaşadığı ərazinin bombalanması olub.

Əldə etdiyimiz məlumata görə bir neçə gün əvvəl baş verən hadisədə ölən qadın Arzu Əcmidir. Onunla birlikdə həlak olanlar isə 7 yaşlı qızı və 3 yaşlı oğlu olub.

Arzu Əcmi 2015-ci ilin əvvəlində əri Fikrət Əliyevlə birlikdə Suriyaya getmişdi.

İŞİD silahlı terror qruplaşması tərkibində vuruşan 1985-ci il təvəllüdlü Fikrət Əliyev ailəsini də özü ilə birlikdə Suriyaya aparmışdı.

Bakıda doğulan və Zirə qəsəbəsində yaşayan Fikrət Əliyev Suriyaya getdikdən 4 ay sonra döyüşlərdə öldürülmüşdü.

Onun meyitinin hazırda döyüş gedən bölgələrdə qaldığı deyilir.

İlkin Muradov

Ən çox oxunanlar

Reklam
azza

Xəbər lenti
Sayğac
Baş Redaktor: Azər Talıbov       Təsisçi: Əhmədov Şahin
Bizimlə Əlaqə : Tel - (050) 378 66 61 (050) 614 94 33       E-mail : anaxeber.az@gmail.com
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net