Ana səhifə

İlham Əliyevi tənqid edən köçkünün həbs olunduğu deyilir

    Tarix: 17-02-2017 09:30   

Bir neçə gün əvvəl sosial şəbəkələr üzərindən videogörüntü vasitəsilə ölkə başçısını tənqid edən məcburi köçkünün həbs olunduğu bildirilir. İsmayıllı rayonunda yaşayan Sərhəd Əliyevin polisə çağrıldığı, ardınca saxlanıldığı deyilir.

Criminal.az saytı ''Azadlıq radiosu''na iatinadla xəbər verir ki, bu haqda hüquq müdafiəçisi Oktay Gülalıyev məlumat yayıb.

Onun bildirdiyinə görə, ölkə başçısını tənqid edən məcburi köşkünə 30 sutkalıq inzibati həbs cəzası veriblər. Hüquq müdafiəçisi deyir ki, S.Əliyevin İsmayılı polisində saxlanması prezidenti xaricdən internet üzərindən yayımlanan «Turan TV»də sərt tənqid etməsi ilə bağlıdır. Ancaq onun saxlanmasının detalları və rəsmən nədə günahlandırıldığı açıqlanmır.

 İlham Əliyevi tənqid edən köçkünün həbs olunduğu deyilir

Məcburi köçkünün həbsi xəbərlərini siyasilər narahatlıqla qarşılayıblar.
AXCP sədri Əli Kərimli deyib ki, ölkənin sərvətlərindən öz haqqını cəsarətlə tələb edən məcburi köçkünü 30 sutkalıq həbs etdilər. «Sərhəd Əliyev nəinki nazirləri, İlham Əliyevin özünü də sərt tənqid etmişdi. Onun çıxışı sosial şəbəkələrdə geniş rezonans yaratmışdı. Onu həbs etdilər ki, başqaları da qorxsun və haqqını tələb etməsin», - deyə AXCP sədri bildirib.

S.Əliyevin yaxınları onun həbsi ilə bağlı hər hansı açıqlama verməyib.

İsmayıllı rayon Polis İdarəsindən də olayla bağlı şərh almaq mümkün olmayıb.

Ağdam rayonundan köçkün olan Sərhəd Əliyev videomüraciətində sosial müavinət ala bilməməsindən narazılıq edərək prezidenti tənqid etmişdi. «Siz müşavirədə nazirlərə barmaq silkələyirsiniz. Ancaq sonra vəziyyət dəyişmir. Dovşana qaç tazıya da tut deyirsiniz. İlham Əliyev islahata özünüzdən başlamalıdır», - deyə o vurğulayırdı.

Criminal.az

Ən çox oxunanlar

Reklam
azza

Xəbər lenti
Sayğac
Baş Redaktor: Azər Talıbov       Təsisçi: Əhmədov Şahin
Bizimlə Əlaqə : Tel - (050) 378 66 61 (050) 614 94 33       E-mail : anaxeber.az@gmail.com
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net