Ana səhifə

Gürcüstanda “qanuni oğru” əməliyyatı: “Çalbaş”, “Drel” və “Odo”nu Lotu Quliylə nə birləşdirib? - TƏFƏRRÜAT

    Tarix: 18-06-2018 20:09   


Gürcüstan Daxili İşlər Nazirliyinin “oğru dünyası”na daxil olan 6 nəfəri saxlaması ilə bağlı bəzi təfərrüatlar məlum olub.

Musavat.com-un yerli KİV-lərə istinadən məlumatına görə, Gürcüstan DİN-in nümayəndəsi Mamuka Çelidze keçirdiyi brifinqdə bildirib ki, saxlanılan şəxslərdən ikisinin azərbaycanlı, “Lotu Quli” ləqəbli kriminal avtoritet Nadir Səlifovla əlaqəli olduğu müəyyənləşdirilib. 1980-ci il təvəllüdlü B.B. və 1981-ci il təvəllüdlü C.O. adlı şəxslər vətəndaşlardan külli miqdarda pul tələb etməkdə günahlandırılır. Həmin şəxslərin evlərində axtarış zamanı onların “oğru dünyası” ilə əlaqəli olmasını sübut edən məlumatın yer aldığı mobil telefonlar müsadirə edilib.

Gürcüstan KİV-lərinin yazdığına görə, əməliiyat Zestafoni şəhərində keçirilib. Həbs edilənlərdən biri də“Baxa” adlı oğrudur. Məlum olub ki, “Baxa” və digər iki nəfər isə hazırda xaricdə yaşayan “Patsua” ləqəbli Fridon Sulakvelidze və onun qardaşı Xviçanın əmrlərini yerinə yetirirmişlər.

Əməliyyat zamanı bir nəfər kriminal avtoritet qaçmağa nail olub. Amma çox uzağa gedə bilməyib. Söhbət 2007-ci ildən axtarışda olan Q.E. adlı şəxsdən gedir. Polis onu aeroportda həbs edə bilib.

Məlum olub ki, o, xaricdə yaşayan “Çalbaş” ləqəbli Otar Elikaşvili, “Burvaka” ləqəbli Georgi Axalmosulişvili, “Odo” ləqəbli Besik Çankoşvili və “Drel” ləqəbli Nodar Giorqadzeylə sıx əlaqədə olub, onların tapşırıqlarını yerinə yetirib.

Məlumata görə, yuxarıda adları çəkilən və xaricdə məskulaşmış “qanuni oğruların” hamısı Lotu Qulinin klanına daxildir.

Yeri gəlmişkən, DİN rəsmisi bildirib ki, həbs edilənləri 7 ildən 15 ilədək həbs gözləyir.

Musavat.com

шаблоны для dle 11.2



Ən çox oxunanlar
Reklam

Xəbər lenti
Sayğac
Baş Redaktor: Azər Talıbov      
Bizimlə Əlaqə : Tel - (050) 378 66 61       E-mail : [email protected]
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net