Ana səhifə

İrəvan qaynayır: Meriya tutuldu, küçələr bağlandı

    Tarix: 16-05-2018 15:58   

 


   
14:42
Onlarla etirazçı İrəvan meriyasının binasına daxil olub.
Axar.az xəbər verir ki, bu barədə informasiyanı “Sputnik Ermənistan” yayıb. Binaya daxil olan etirazçılar mer Taron Markaryanın istefasını tələb ediblər. Meriyaya daxil olan etirazçılara aktivist Vaçe Qəribyan rəhbərlik edib.
Meriya ilə bərabər, İrəvanda bir sıra əsas küçələr də etirazçılar tərəfindən bağlanıb. Küçələri bağlayan etirazçılar Sasna Çrer qrupunun həbsdəki üzvlərinin azadlığa buraxılmasını istəyiblər.
Aksiyalara qrupun həbsdəki üzvlərinin qohumları da qoşulub. Onlar həbsdə olan qrup üzvlərinin azadlığa çıxmayacağı təqdirdə 16:00-dan etibarən etirazların coğrafiyasını genişləndirəcəklərini açıqlayıblar.
Qeyd edək ki, bu gün İrəvanda Sasna Çrer işi üzrə məhkəmə iclası keçirilir.
***
İrəvanda etirazçılar mer Taron Markaryanın kabinetinə daxil olmağa cəhd ediblər.
Etirazçıların bu arzusunu gerçəkləşdirməyə polis imkan verməyib. Meriyanın üç mərtəbəsi etirazçılar tərəfindən tutulub. Polis üçüncü mərtəbədə yerləşən merin kabineti qarşısında mühafizəni təşkil edib.
***
İrəvan meriyasının binası tam mühasirəyə alınıb. Mühasirəyə qoşulanların sayı artır. Binanın ətrafına toplaşan polis meriya binasına əlavə heç kimin girməsinə izn vermir.
Artıq bina ətrafına mer Taron Markaryanın da tərəfdarları toplaşır.шаблоны для dle 11.2

Ən çox oxunanlar
Reklam

Xəbər lenti
Sayğac
Baş Redaktor: Azər Talıbov      
Bizimlə Əlaqə : Tel - (050) 378 66 61       E-mail : [email protected]
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net