Ana səhifə

Deputat: “Pis qoxu gəldiyi üçün mən də metroya minmirəm”

    Tarix: 25-04-2018 21:34   


Azərbaycan Sosial Demokrat Partiyasının sədri, Milli Məclisin deputatı Araz Əlizadə Bakı Metropoliteninin marketinq şöbəsinin rəhbəri Lalə Babayevanın kənd camaatını təhqir etməsinə münasibət bildirib.

Musavat.com-un məlumatına görə, Araz Əlizadə Sfera.az-a açıqlamasında şəhərli-kəndli ayrı-seçkiliyinə son verilməsinin tərəfdarı olduğunu söyləyib:

“Siz gedib yoxlayın görün ki, o qızın özü, əsli haradandır? Onun Bakılı olmasına inanmıram. Ümumiyyətlə, əsli-kökü Bakıdan olan 100 min adam tapmaq çətindir. Yəni, qalan insanların hamısı rayonlardan və kəndlərdən gələn adamlardır. Mənim də bir tərəfim şəhərli, bir tərəfim isə kəndlidir. Özüm isə Bakıda doğulmuşam. İndi mən özümü bakılı, yoxsa kəndli saymalıyam? Bunu dəqiq deyə bilmərəm. İstənilən halda mən kəndlilərə yuxarıdan aşağı baxa bilmərəm”.

Deputat 30 ilə yaxındır ki, metrodan istifadə etmədiyini deyib:

“Mən 1989-cu ildən bəri metrodan istifadə etmirəm. Bunun da əsas səbəbi metroda olan pis qoxunun səhhətimə çox mənfi təsir etməsidir. Hələ Sovet İttifaqı dövründə olan neft-qaz qoxusu bu gün də metroda qalır. Bakının torpağı neftli olduğu üçün həmin pis qoxu metroda da var. Oradan pis qoxu gəldiyi üçün də mən metroya minmirəm. Ancaq bu pis qoxunun kənd camaatı ilə heç bir əlaqəsi yoxdur. Sadəcə olaraq, metroda havalandırma sistemi yaxşı deyil”.

шаблоны для dle 11.2



Ən çox oxunanlar
Reklam

Xəbər lenti
Sayğac
Baş Redaktor: Azər Talıbov      
Bizimlə Əlaqə : Tel - (050) 378 66 61 / (077) 271 55 66       E-mail : [email protected]
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net