Ana səhifə

Vergilər naziri təyin edilən Mikayıl Cabbarov ilk tapşırığını verdi: Sahibkarlara müraciət

    Tarix: 11-12-2017 16:51   
Vergilər naziri təyin edilən Mikayıl Cabbarov ilk tapşırığını verdi: Sahibkarlara müraciət

Növbəti ilin ilk günündən etibarən statusundan asılı olmayaraq bütün vergi ödəyiciləri sahibkarlıq fəaliyyəti məqsədləri üçün malların (işlərin, xidmətlərin) təqdim edilməsi zamanı elektron qaimə-faktura təqdim etməlidir.

BiG.AZ xəbər verir ki, bu barədə Vergilər Nazirliyinin vergi ödəyicilərinə müraciətində bildirilir. Vergi Məcəlləsinə əsasən, sahibkarlıq fəaliyyətini həyata keçirən hüquqi və fiziki şəxslərə malların (işlərin, xidmətlərin) təqdim edilməsi ilə bağlı elektron qaimə-faktura vermək vergi ödəyicisinin vəzifələrinə aid edilib.

"Elektron qaimə-fakturanın tətbiqi, uçotu və istifadəsi qaydaları” Nazirlər Kabinetinin 14 mart 2017-ci il tarixli qərarı ilə müəyyən edilir.

Məlumatda bildirilib ki, elektron qaimə-faktura onlayn rejimdə Vergilər Nazirliyinin İnternet Vergi İdarəsində (www.e-taxes.gov.az) gücləndirilmiş elektron imza (o cümlədən "Asan imza”) vasitəsi ilə elektron qaydada tərtib edilərək və yaxud lazımi proqramlardan istifadə edilməklə oflayn rejimdə tərtib edildikdən və elektron imza (o cümlədən "Asan imza”) vasitəsi ilə imzalandıqdan sonra malların, işlərin və xidmətlərin alıcısına göndərilir.

Sahibkarlıq fəaliyyəti məqsədləri üçün mal (iş, xidmət) alınarkən həmin malların (işlərin, xidmətlərin) alınmasını təsdiq edən elektron qaimə-faktura satıcıdan tələb edilərək alınmalıdır. Vergi ödəyicisinin sahibliyində olan malların alışını təsdiq edən qaimə-faktura və ya elektron qaimə-faktura və ya elektron vergi hesab-fakturadan ən azı biri olmadıqda alıcıya təqvim ili ərzində belə hala birinci dəfə yol verdikdə alınmış malların 10 faizi, ikinci dəfə yol verdikdə 20 faizi, üç və daha çox dəfə yol verdikdə isə 40 faizi qədər maliyyə sanksiyası tətbiq edilir.

Nazirlikdən bildirilib ki, sahibkarlar fəaliyyətləri ilə bağlı risklərin yaranmaması, hər hansı maliyyə itkilərinə məruz qalmamaları üçün mövcud qanunvericiliyin tələblərinə əməl etməlidirlər.

Ən çox oxunanlar

Reklam
azza

Xəbər lenti
Sayğac
Baş Redaktor: Azər Talıbov      
Bizimlə Əlaqə : Tel - (050) 378 66 61       E-mail : [email protected]
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net