Ana səhifə

Ərdoğan: “Putin Qarabağ probleminin həllinə inanmır”

    Tarix: 17-11-2017 09:37   
Ərdoğan: “Putin Qarabağ probleminin həllinə inanmır”
Bir neçə saat bundan öncə Türkiyə prezidenti Rəcəb Tayyip Ərdoğan Rusiya, Küveyt və Qətər səfərlərinin yekunları barədə danışıb.

Virtualaz.org xəbər verir ki, jurnalistlərlə söhbətində Ərdoğan Rusiya prezidenti Vladimir Putinlə müzakirə etdiyi Dağlıq Qarabağ münaqişəsi mövzusuna da toxunub.

“Biz cənab Putinlə Dağlıq Qarabağ problemini müzakirə etdik, - “Star” nəşri Ərdoğanın sözlərindən iqtibas gətirir. – Rusiyanın Ermənistana təsir gücü var. Daha öncə qəbul edilmiş və işğal olunmuş yeddi rayondan beşinin qaytarılması ilə bağlı qərar mövcuddur (Ərdoğan BMT Təhlükəsizlik Şurasının qətnamələrini nəzərdə tutur – virtualaz.org). Biz bunun üzərində dayandıq ki, həmin qərarlar icra edilməlidir. Cənab Putin müsbət yanaşır, lakin başa düşdüyümə görə, xüsusi ümid bəsləmir. Düşünürəm ki, onun ümidsizliyi iki ölkə arasında münasibətlərlə bağlıdır”.

Qeyd edək ki, Putinlə Ərdoğan arasında danışıqlar bir neçə gün bundan əvvəl baş tutub. Prezidentlər və onların mətbuat xidmətləri görüşlərin Dağlıq Qarabağ münaqişəsi üzrə nəticələrini şərh etməyiblər, halbuki Ərdoğan Azərbaycan üçün çox vacib olan bu mövzunun müzakirəsini anons etmişdi. Noyabrın 22-də Rusiya və Türkiyə prezidentləri yenidən Soçidə görüşəcəklər.

Virtualaz.org

Ən çox oxunanlar

Reklam
azza

Xəbər lenti
Sayğac
Baş Redaktor: Azər Talıbov      
Bizimlə Əlaqə : Tel - (050) 378 66 61       E-mail : [email protected]
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net