Ana səhifə

Ukraynanın qərbində separatçılıq dalğası başladı, Söyün Sadıqovun da adı çəkilir

    Tarix: 12-10-2017 14:54   
Ukraynanın qərbində separatçılıq dalğası başladı, Söyün Sadıqovun da adı çəkilir
Sabah oktyabrın 13-də Ukraynanın qərbindəki Karpatyanı bölgəsində etnik macarlar “Karpatyanı üçün öz müqəddəratını təyin etmə” şüarı altında aksiya keçirəcək.

Virtualaz.org xəbər verir ki, Kiyev aksiyanı separatizm adlandırıb və keçirilməsini qadağan edib. Aksiyanın Macarıstanda fəaliyyət göstərən sağ-radikal “Yobbik” partiyası tərəfindən təşkil edildiyi bildirilir.

Macar azlığın küçələrə çıxmasının formal səbəbi isə Ukrayna parlamentinin qəbul etdiyi yeni təhsil qanunudur. Bu qanuna əsasən orta təhsil 12 illik olacaq və ukrayna dilində aparılacaq. Etnik azlıqlar isə öz dillərində ancaq məktəbəqədər müəssisələrdə təhsil ala bilərlər. Bu qanun Macarıstan, Rumıniya, Polşa və digər qonşu ölkələri bərk narazı salıb. Həmin ölkələr qanunu Ukraynanın “arxadan zərbə” vurması adlandırıblar və etnik azlıqların hüquqlarını məhdudlaşdırdığını bildiriblər. Macarıstan isə xüsusilə qəzəblidir və bu ölkənin sağ-radikalları neçə vaxtdır ki, Karpatyanı bölgədə separatizm toxumları əkirlər.



Macarıstan XİN Budapeştdəki Ukrayna səfirliyini rəsmən məlumatlandırıb ki, sabahkı aksiyanı dəstəkləyəcəklər. Bu isə Kiyevi qəzəbləndirib. Xarici işlər naziri Pavel Klimkin özünün Tvitter bloqunda yazıb: “Macarıstan XİN bizim səfirliyə oktyabrın 13-də “Karpatyanı üçün öz müqəddəratını təyin etmə aksiyası haqda xəbər verib. Bu nədir, Budapeşt separatizmi dəstəkləyir?”. Nazir əlavə edib ki, Ukrayna XİN dərhal bu təxribatı dayandırmaq barədə etiraz notası göndərib.



Bundan əvvəl Ukrayna hakimiyyəti “Yobbik” partiyasından olan deputat Kristine Morvai və vəkil Tomaş Qaudi-Nadın ölkə ərazisinə daxil olmasını qadağan edib. Bu da macar azlığın etirazlarını daha da artırıb. “Yobbik” iddia edir ki, Karpatyanı macarları girova çevrilib və onlara doğma dillərində təhsil almaq, özlərini macar kimi hiss etmək qadağan olunub. “Yobbik” partiyasının Rusiya ilə sıx əlaqələri var və Ukraynada hesab edilir ki, məhz Kreml Macarıstanın rusiyayönümlü baş naziri Viktor Orbanla əlbir olaraq Karpatyanı bölgəni Ukraynadan qoparıb Macarıstana birləşdirmək planını işə salıb.

Xatırladaq ki, bu günlərdə Ukrayna mətbuatında Karpatyanı bölgədə baş qaldıran separatizmin arxasında Kremlin dayandığı haqda xəbərlər getmişdi. Orada deyilirdi ki, Kreml qərbi Ukraynada separatizmi dəstəkləmək üçün Putinin səlahiyyətli nümayəndəsi Söyün Sadıqovu “kurator” təyin edib.

Virtualaz.org

Ən çox oxunanlar

Reklam
azza

Xəbər lenti
Sayğac
Baş Redaktor: Azər Talıbov      
Bizimlə Əlaqə : Tel - (050) 378 66 61       E-mail : [email protected]
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net