Ana səhifə

Milli Onkologiya Mərkəzinin həkim briqadası Naxçıvanda müayinə və cərrahi əməliyyatlar aparıb

    Tarix: 17-06-2017 11:00   
Milli Onkologiya Mərkəzinin həkim briqadası Naxçıvanda müayinə və cərrahi əməliyyatlar aparıb


Azərbaycan Respublikası Səhiyyə Nazirliyi Milli Onkologiya Mərkəzinin

yüksəkixtisaslı həkim briqadası iyunun 15-dən Naxçıvan Muxtar Respublika

Xəstəxanasında humanitar tibbi aksiyaya start verib.

AZƏRTAC xəbər verir ki, bu tədbir ölkəmizin müxtəlif regionlarında skrininq

proqramı üzrə həyata keçirilir. Proqramın mahiyyəti mərkəzin xərçənglə

mübarizə istiqamətində həm ölkə paytaxtında, həm də regionlarda qlobal

miqyasda öz fəal iştirakını davam etdirməkdən ibarətdir. Ölkə rəhbərliyinin daim

diqqət və qayğısı sayəsində Naxçıvan Muxtar Respublika Xəstəxanasının davamlı

inkişafı, yüksək texnologiyalara əsaslanan texniki bazasının təkmilləşdirilməsi,

cərrahiyyə blokunda yaradılmış şərait, burada müasir tibbi avadanlıq, cihaz və

aparatların qurulması ən mürəkkəb cərrahi əməliyyatların aparılmasına imkan

verir. Milli Onkologiya Mərkəzi əhaliyə tibbi xidmət göstərmək üçün artıq ikinci

dəfədir ki, bu səhiyyə müəssisəsinin imkanlarından yararlanaraq onkoloji

xəstələrin müayinə və müalicəsini təşkil edir.

Yüksəkixtisaslı həkim briqadası xəstəxanada ilk gün qalxanabənzər vəzi, invaziv

diaqnostika, mamoloji, onko-ginekoloji, uşaq onkoloji, baş-boyun şişləri, ultrasəs,

abdominal onkoloji müayinələr aparıb. İyunun 16-da isə müayinələrlə yanaşı,

cərrahi əməliyyatlar da icra olunub. Mərkəzin professoru Əziz Əliyev tərəfindən

uğurla icra olunan əməliyyatlardan sonra xəstələr palatalara yerləşdirilib.

Şərur rayonunun Düdəngə kənd sakini Səkinə Əliyeva bildirib ki, üzərində total

strumektomiya əməliyyatı aparılıb. İndi özünü yaxşı hiss edir. O, başqa yerlərə

getmədən, ərazidə yerləşən səhiyyə müəssisəsində pulsuz əməliyyat olunmasına

görə minnətdarlıq edib, bütün bunları aztəminatlı ailələrdən olan xəstələrə

yönəldilmiş xüsusi sağlamlıq layihələrinin uğurlu icrası kimi dəyərləndirib.

İyunun 17-də isə Naxçıvan Muxtar Respublika Xəstəxanasında yüksəkixtisaslı

həkim briqadasının iştirakı ilə “Onkoloji xəstəliklərin müayinə və müalicəsində

müasir yanaşma” mövzusunda konfrans keçiriləcək.

Ən çox oxunanlar

Reklam
azza

Xəbər lenti
Sayğac
Baş Redaktor: Azər Talıbov      
Bizimlə Əlaqə : Tel - (050) 378 66 61       E-mail : [email protected]
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net