Ana səhifə

Deputatlar tətilə getdi - spiker 4950, millət vəkilləri isə 3464 manat tətilpulu alacaqlar

    Tarix: 30-06-2018 00:01   

 

Parlamentarilərin hər birinə iki aylıq vəzifə maaşı məbləğində müavinət verilir

İyunun 29-da Milli Məclisin sonuncu növbədənkənar plenar iclasının gündəliyində duran məsələlərin müzakirəsindən sonra dövlət himninin oxunması ilə sessiya bağlı elan edilib. Milli Məclisinin Daxili Nizamnaməsinə müvafiq olaraq deputatlar rəsmən iyul ayının 15-dən tətilə buraxılacaq.

“Deputatın statusu haqqında" qanunun deputatın məzuniyyəti ilə bağlı maddəsinə əsasən, məzuniyyətdə olduğu zaman deputata müalicə olunması və istirahət etməsi üçün onun iki aylıq vəzifə maaşı məbləğində müavinət verilir.

Milli Məclisin sədri 4950 manat, Milli Məclis sədrinin I müavini 4454 manat, Milli Məclis sədrinin müavini 4206 manat, sıravi deputatlar isə 3464 manat müavinət alacaqlar. Tətil müddəti avqustun 30-dək davam edəcək.

Milli Məclisin Daxili Nizamnaməsinə əsasən, parlamentin yaz sessiyası fevralın 1-də başlanır və mayın 31-dək davam edir. İyun ayında isə Milli Məclisin 2 növbədənkənar (12 və 29 iyun) iclası keçirildi.

Parlamentin payız sessiyası isə sentyabrın 30-da başlanacaq.

шаблоны для dle 11.2



Ən çox oxunanlar
Reklam

Xəbər lenti
Sayğac
Baş Redaktor: Azər Talıbov      
Bizimlə Əlaqə : Tel - (050) 378 66 61       E-mail : [email protected]
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net