Ana səhifə

Trampın Rusiya məcaraları: müğənni Keti Topuriyanın adı FTB təhqiqatında

    Tarix: 11-06-2017 09:29   
 Trampın Rusiya məcaraları: müğənni Keti Topuriyanın adı FTB təhqiqatında

ABŞ Federal Təhqiqatlar Bürosunun prezident Donald Trampın və çevrəsinin Rusiya ilə biznes əlaqələrinə dair təhqiqatında gürcü əsilli müğənni, “A-Studio” qrupunun solisti, 30 yaşlı Ketevan (Keti) Topuriyanın da adı keçir. Virtualaz.org Rusiya mənbələrinə istinadən xəbər verir ki, buna səbəb Topuriyanın əri, biznesmen Lev Geyxmanın Trampın kürəkəni Cared Kuşnerlə biznes ortaqlığıdır.



Topuriya Geyxmanla 2013-cü ildə dəbdəbəli toyla evlənib, bu evlilikdən onların bir qızı dünyaya gəlib. Cütlük birlikdə o qədər də çox vaxt keçirmir, çünki Geyxman ABŞ-da bizneslə məşğul olur, Topuriyanın işi isə Rusiyadadır. Geyxmanın biznesinin nədən ibarət olduğu barədə informasiya çox məhduddur, yaxud ümumiyyətlə yoxdur. 2008-ci ildə verdiyi müsahibələrdən birində o, hansısa investisiya fondunun təmsilçisi olduğunu demişdi. Hərçənd həmin investisiya fondunda cüzi payla iştirak etməsinə baxmayaraq ildə bir neçə milyon qazandığını deyirdi.

Lakin FTB Trampın və ailə üzvlərinin biznes əlaqələrini araşdırmağa başlayanda xəfiyyələr gözlənilmədən Topuriyanın və ərinin adına rast gəlib. Məlum olub ki, Geyxmanın və Kuşnerin İT-texnologiyalar və Kaliforniyada iri kənd təsərrüfatı layihələrində ortaqlığı var. Geyxman biznes işləri ilə bağlı Los-Anсelesdə yaşayır.



Müğənni Milena Deyneqa deyir ki, Keti Topuriyanın Tramp ailəsi ilə əlaqələri haqda çoxdan danışırdılar. “2013-cü ildə mən Trampın Moskvada, Crocus City-də keçirdiyi “Dünya Gözəli” müsabiqəsinin ardınca təşkil edilən ziyafətdə idim. Zalda Araz Ağalarov, Filip Kirkorov, Stas Mixaylpv və digər məşhurlarla yanaşı Keti Topuriya və əri də var idi. Biz hamımız bir masa arxasında oturmuşduq, Tramp hamıya şəkil çəkdirdi”, - müğənni danışır.

Virtualaz.org

Ən çox oxunanlar

Reklam
azza

Xəbər lenti
Sayğac
Baş Redaktor: Azər Talıbov      
Bizimlə Əlaqə : Tel - (050) 378 66 61       E-mail : [email protected]
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.az © 2014
Designed by: Daraaz.net